रत्ननगरमा बाल क्लवहरुलाई प्रशिक्षण सुरु

रत्ननगरमा बाल क्लवहरुलाई प्रशिक्षण सुरु

चितवन , ४कार्तिक।  

चितवनको रत्ननगर नगरपालिका भित्र रहेका बाल क्लवका प्रतिनिधीहरुका लागि सोमवारदेखी प्रशिक्षण सुरु भएको छ । रत्ननगर उद्योग वाणिज्य संघले संचालन गरिरहेको वाल संरक्षण तथा वालश्रम न्युनिकरण कार्यक्रमको आयोजना तथा रत्ननगर नगरपालिका र युनिसेफ नेपालको सहयोगमा दुई दिने प्रशिक्षण सुरु भएको हो ।

प्रशिक्षणको उद्घाटन गर्दै रत्ननगर नगरपालिकाका उपमेयर विमला देवी दुवाडीले सन् २०१९ भित्र नगरलाई वालश्रम मुक्त वनाउने लक्ष्यलाई सार्थकता दिन बाल क्लवका प्रतिनिधीहरुको भुमिका महत्वपूर्ण हुने वताईन् । साथै उपमेयर दुवाडीले विकास निर्माण लगायत अन्य क्षेत्रमा सहभागीताका लागि बालबालिकाहरु स्वयम सक्रिय हुने पर्नेमा जोड दिईन् । रत्ननगर उद्योग वाणिज्य संघका अध्यक्ष राजाराम रेग्मीको अध्यक्षतामा भएको उद्घाटन कार्यक्रममा रत्ननगर १० का वडाध्यक्ष केशव आचार्य,संघका उपाध्यक्ष रघुनाथ भट्ट लगायतले शुभकामना मन्तव्य राखेका थिए ।

मंगलवार सम्म चल्ने कार्यक्रममा दिपक शर्माले वाल अधिकार,वालश्रम मुक्त नगर वनाउनु खेल्नु पर्ने भुमिका आदि विषयमा प्रशिक्षण दिनेछन् । रत्ननगर नगरपालिकालाई सन् २०१९ भित्र वालश्रम मुक्त नगर घोषणा गर्ने लक्ष्य अनुरुप हाल सम्म ५ वटा वडालाई वालश्रम मुक्त वडा घोषणा गरिएको छ ।