राष्ट्रिय व्याडमिन्टनको तयारी अन्तिम चरणमा, प्रतियोगितामा आयसर ट्याक्टरको प्रायोजन

राष्ट्रिय व्याडमिन्टनको तयारी अन्तिम चरणमा, प्रतियोगितामा आयसर ट्याक्टरको प्रायोजन

चितवन ०८ असोज । चितवनको रत्ननगरमा असोज १० गतेबाट सुरु हुने दोश्रो राष्ट्रिय व्याडमिन्टन प्रतियोगिताको तयारी अन्तिम चरणमा पुगेको छ । प्रतियोगितामा आयसर ट्याक्टर तथा जेनेरेटरको आधिकारीक विक्रेता न्यू एसडी अटो ट्रेडिङ भरतपुर शाखा ज्यामिरेले प्रयोजन गरेको छ । विना एग्रो इन्टरप्राइजेजको आधिकारिक विक्रेता न्यू एसडी अटो ट्रेडिङ हो । रत्ननगर ३ मा रहेको पूर्वी चितवन स्पोट्र्स क्लवले आयोजना गरेको सो प्रतियोगितामा ३० देखि ५० जिल्ला करिब १०० वटा टिमको सहभागिता रहने प्रतियोगिताका संयोजक विकास डल्लाकोटीले जानकारी दिए । बेल्सीमा रहेको कर्वडहल निर्माण स्थलमा हुने सो प्रतियोगिताको ९५ प्रतिशत काम सकिएको उनले जानकारी दिए । प्रतियोगिता सम्पन्न गर्न मैदान व्यवस्थापन,प्रचारप्रसार र टिमदर्ताको काम अन्तिम चरणमा पुगेको क्लवका सचिव राजु भट्टराईले जानकारी दिए । आयोजक क्लवले बुधवार पत्रकार सम्मेलनको आयोजना गरी प्रतियोगिताको तयारीको बारेमा जानकारी गराएको हो । तीन दिन सम्म चल्ने सो प्रतियोगितामा ओपन डबल र भेट्रान डवलका खेलहरु हुने छ । रत्ननगरको खेलकुलको विकास र वडा नं ३ मा प्रस्तावित कवर्डहल निर्माणको लागि दवाब सृजना गर्न प्रतियोगिता आयोजना गरिएको प्रतियोगिताका संयोजक पुरु खनालले जानकारी दिए । प्रतियोगितामा खुल्ला तर्फ प्रथम हुनेलाई ६१ हजार र दोश्रो हुनेलाई ३१ हजार तथा भेट्रान तर्फ प्रथम हुनेलाई २५ हजार र दोश्रो हुनेलाई १५ हजार पुरस्कार,शिल्ड तथा मेडल प्रदान गरिने संयोजक खनालले बताए । प्रतियोगिताको लागि टिम दर्ता शुल्क खुल्ला तर्फ ४ हजार र भेट्रन तर्फ २५ सय रुपैया कायम गरिएको छ । प्रतियोगितामा उत्कृष्ट तथा सान्त्वना हुनेलाई ५ हजार पुरस्कारको व्यवस्था गरिएको क्लवका अध्यक्ष केवल न्यौपानेले जानकारी दिए । प्रतियोगितामा भएको आम्दानी मध्यबाट २० प्रतिशत बजेट अनाथ वालवालिकाको शिक्षका लागि सहयोग गर्ने योजना रहेको न्यौपानेले बताए । प्रतियोगिताको प्रदेश नं ३ का आन्तरिक मामिला तथा कानूनमन्त्री शालिकराम जम्मर कट्टेलले उद्घाटन गर्ने कार्यक्रम रहेको आयोजकले जनाएको छ । पत्रकार सम्मेलनमा न्यू एसडी अटो ट्रेडिङका सञ्चालक सिन्धु नेपालको सहभागिता रहेको थियो ।