कतारबाट एउटै फ्लाइटमा काठमाडौं आएका दोस्रो, पाँचौं र छैठौँ कोरोना संक्रमित

कतारबाट एउटै फ्लाइटमा काठमाडौं आएका दोस्रो, पाँचौं र छैठौँ कोरोना संक्रमित

काठमाडौं,२० चैत्र ।

दोस्रो, पाँचौं र छैठौँ कोरोना संक्रमित एउटै विमानबाट नेपाल आएको पाइएको छ । चैत ४ गतेको कतार एयरलाइन्सकै फ्लाइटमा दोहाबाट काठमाडौँ आएका एक जनामा थप कोरोना देखिएको हो।

यो विमानमा १ सय ५८ जना यात्रु थिए। तीमध्ये १ सय ४० जनाको मात्र ट्र्याकिङ भएको छ अहिलेसम्म।

यही फ्लाइटबाट नेपाल आएका दुई जनामा कोरोना संक्रमण देखिएको थियो। उनीहरु सबैको उपचार जारी छ। यससहित नेपालमा कोरोना संक्रमण हुनेको संख्या ६ पुगेको छ।

स्वास्थ्य मन्त्रालयले आज गरेको ब्रिफिङ अनुसार पछिल्लो पटक पहिचान भएका संक्रमितलाई ट्रेसिङ गर्ने चिकित्सक र टोलीलाई यसबारे डिटेल जानकारी छ। ‘उहाँहरुले केस पोजेटिभ आएपछि गर्नुपर्ने कार्य सुरु गरिसकिएको अवस्था छ,’ मन्त्रालयका प्रवक्ता डाक्टर विकास देवकोटाले भने, ‘यो केसबारे अरु डिटेल छैन। पछि जानकारी गराउनेछौं।’