भारतमा थप १५ जनामा कोरोनाको संक्रमण

भारतमा थप १५ जनामा कोरोनाको संक्रमण

काठमाडौं,२१ फागुन ।

भारतमा नोवेल कोरोना (कोभिड–१९) भाइरसको संक्रमित संख्या २२ पुगेको छ । पछिल्लो २४ घण्टामा थप १५ जनामा संक्रमण देखिएको हो ।

संक्रमित मध्ये तीन जना निको भइसकेका छन् । भारतमा पहिलो पटक केरलामा कोरोनाको संकेत देखिएको थियो ।

१९ जना संक्रमितलाई चिकित्सकको निगरानीमा अस्पतालमा राखेर उपचार गराई रहेको त्यहाँको स्वास्थ्य मन्त्रालयले जनाएको छ ।

चीनबाट सुरु भएको कोरोना भाइरसको संक्रमण भारतको केरलाका साथै दिल्ली, तेलंगना, जयपुर लगायतका क्षेत्रमा देखा परेको भारतीय सञ्चारमाध्यमहरुले जनाएका छन् ।