चर्चित पूर्वफुटबल खेलाडी रोनाल्डिनो नक्कली राहदानीसहित पक्राउ

चर्चित पूर्वफुटबल खेलाडी रोनाल्डिनो नक्कली राहदानीसहित पक्राउ

एजेन्सी,२२ फागुन ।

ब्राजिलका फुटबलर रोनाल्डिन्हो नक्कली कागजात प्रयोग गरेको आरोपमा पक्राउ परेका छन् ।

उनीसँगै उनका भाई भाइ रोबर्टो पनि पक्राउ परे । उनीहरुलाई पक्राउ गरेर रिसोर्ट याच्ट एन्ड गल्फ क्लबमा राखिएको पाराग्वेको गृहमन्त्रालयले जनाएको छ।

उनीहरु बसेको होटलमा बुधबार राति प्रहरीले छापा मारी पक्राउ गरेको हो । छापा मार्ने क्रममा रोनाल्डोनो र रोबर्टो दुवैबाट पाराग्वेको राहदानी बरामद गरेको मन्त्रालयले जनाएको छ ।

रोनाल्डिन्हो एक क्यासिनो मालिकको निम्तोमा पाराग्वेमा आएका थिए । रोनाल्डिन्होसित अहिले ब्राजिलको पासपोर्ट छैन । सन् २०१८ मा उनलाई वातावरणीय जरिवाना गरेसँगै उनको पासपोर्ट खोसिएको थियो ।

सन् २०१८ को नोभेम्बरमा यी दाजुभाइबाट ८५ करोड डलर जरिवाना असुल गरिएको थियो । रोनाल्डिन्हो सन् २००२ मा ब्राजिलले विश्वकप फुटबल जित्दा टिमका एक प्रमुख खेलाडी थिए ।