चीनमा कोरोना भाइरसका कारण ५६५ जनाको मृत्यु, २८ हजार संक्रमित

चीनमा कोरोना भाइरसका कारण ५६५ जनाको मृत्यु, २८ हजार संक्रमित

बेइजिङ, २३ माघ।

चीनमा महामारीको रुप लिइरहेको कोरोना भाइरसका कारण बुधबार मात्रै चीनमा थप ७३ जनाको मृत्यु भएको छ ।

चीनको राष्ट्रिय स्वास्थ्य आयोगले दिएको जानकारीअनुसार कोरोना भाइरसका कारण बिहीबार बिहानसम्म चीनमा मृत्यु हुनेको संख्या ५६३ पुगेको छ । त्यस्तै फिलिपिन्स र हङकङमा एक–एक जना गरी जम्मा ५६५ को मृत्यु भएको छ ।

बुधबार मात्रै थप ३ हजार ६ सय ९४ मा कोरोना भाइरसको संक्रमण देखिएको चिनियाँ अधिकारीले जानकारी दिएका छन् । चीनमा मात्रै कोरोना भाइरस संक्रमितको संख्या २८ हजार १८ पुगेको छ ।

मंगलबार कोरोना भाइरसका कारण ६५ जनाको मृत्यु भएको थियो । मंगलबारको तुलनामा बुधबार संक्रमितको संख्या घटे पनि मृतकको संख्या भने बढेको छ ।