कोरोना अपडेट : ७४ हजार ६२९ को मृत्यु, १३ लाख बढि संक्रमित

कोरोना अपडेट :  ७४ हजार ६२९ को मृत्यु, १३ लाख बढि संक्रमित

काठमाडौं, २५ चैत ।

प्राणघातक कोरोना (कोभिड–१९) भाइरस संक्रमणबाट विश्वभर ज्यान गुमाउनेको संख्या ७४ हजार ६२९ पुगेको छ ।

विश्वभर कोरोना संक्रमितको संख्या १३ लाख ४६ हजार ४२८ पुगेको विश्व स्वास्थ्य संगठन ९डब्लुएचओ० ले जनाएको छ । कोरोना संक्रमणबाट पछिल्लो २४ घण्टामा पाँच हजार २२१ जनाको ज्यान गएको छ ।

सोमबार कोरोनाका ७२ हजार ८५० जना नयाँ संक्रमित थपिएका छन् । सोमबार अमेरिकामा कोरोनाबाट एक हजार २५५ जनाको ज्यान गएको छ । त्यहाँ हिजो एकै दिन ३० हजार ३३१ जना नयाँ संक्रमित थपिएका छन् । अहिलेसम्म अमेरिकामा संक्रमितको संख्या तीन लाख ६७ हजार नाघेको छ भने मृतकको संख्या १० हजार ८७१ पुगेको छ ।

अमेरिकापछि सोमबार फ्रान्समा धेरैको कोरोनाबाट मृत्यु भएको छ । फ्रान्समा सोमबार एकै दिन ८३३ जनाको ज्यान गएको छ । त्यहाँ मृतकको संख्या ८ हजार ९११ पुगेको छ भने संक्रमितको संख्या एक लाख हाराहारी पुगेको छ ।

स्पेनमा हिजो एकै दिन ७ सयले ज्यान गुमाएका छन् । त्यहाँ मृतकको संख्या १२ हजार नाघेको छ भने संक्रमितको संख्या एक लाख ३७ हजार पुग्न लागेको छ । सोमबार इटालीमा कोरोना संक्रमणबाट ६ सय ३६ जनाको मृत्यु भएको छ । त्यहाँ अहिलेसम्म यसको संक्रमणबाट साढे १६ हजारभन्दा धेरैले ज्यान गुमाइसकेका छन् । संक्रमितको संख्या एक लाख ३२ हजार नाघेको छ ।

युकेमा सोमबार ४३९ जनाले ज्यान गुमाएका छन् । त्यहाँ मृतकको संख्या पाँच हजार ३७३ र संक्रमितको संख्या ५१ हजार ६०८ पुगेको छ ।

जर्मनीमा सोमबार कोरोना संक्रमणबाट २२८ जनाको मृत्यु भएको छ । त्यहाँ अहिलेसम्म मृतकको संख्या एक हजार ८१० र संक्रमितको संख्या एक लाख ३ हजार नाघेको छ ।

त्यसैगरी सोमबार इरानमा १३६, बेल्जियममा १८५, नेदरल्याण्डमा १०१, ब्राजिलमा ७८, स्वीडेनमा ७६, रोमानियामा २५, स्वीटजरल्याण्डमा ५०, टर्कीमा ७५, क्यानाडामा ४३ जनाको कोरोना संक्रमणबाट मृत्यु भएको छ ।

छिमेकी देश भारतमा कोरोना संक्रमणबाट मृत्यु हुनेको संख्या १३६ पुगेको छ । हिजो एकै दिन त्यहाँ १८ जनाको मृत्यु भएको छ । आइतबार पनि भारतमा यसको संक्रमणबाट १८ जनाकै मृत्यु भएको थियो । त्याँ संक्रमितको संख्या चार हजार ७७८ पुगेको छ ।

अर्को छिमेकी देश चीनमा सोमबार कोरोना संक्रमणबाट ३ जनाको मृत्यु भएको छ । चीनमा सोमबार ४४४ जना नयाँ संक्रमित थपिएका छन् ।