शिवम् सिमेन्ट उद्योगमा आगलागी
प्रकाशित मिति: शनिबार, मंसिर ०६, २०७७ | १२:३१:४८
मकवानपुर, ६ मङ्सिर ।
हेटौँडा उपमहानगरपालिका–१६ मा अवस्थित शिवम् सिमेन्ट उद्योगमा आगलागी भएको छ । विद्युत् प्रवाह चुहावट भई उद्योगको कोइला च्याम्बरमा आज बिहान आगलागी भएको जिल्ला प्रहरी कार्यालयका प्रहरी नायब उपरीक्षक इन्द्रबहादुर रानाले जानकारी दिनुभयो ।
उहाँले आगलागीबाट मानवीय र ठूलो धनजनको क्षति नभएको बताउनुभयो । स्थानीयवासी प्रहरी, उद्योगका कर्मचारी र हेटौँडा उपमहानगरपालिकाको दमकलबाट आगो नियन्त्रणमा लिइएको थियो ।रासस
प्रकाशित मिति : शनिबार, मंसिर ०६, २०७७ |
१२:३१:४८
991
