चितवनको रत्ननगरमा भेटिएको शंकास्पद बस्तु डिस्पोज गरियो

चितवन,७ मंसिर ।

चितवनको रत्ननगर टांडी बजारमा  फेला परेको शंकास्पद बस्तु नेपाली सेनाले डिस्पोज गरेको छ । बिहान टांडी बजार स्थित निर्माणाधिन आकाशे पुल तल भागमा  तिनवटा शंकास्पद वस्तु भेटिएको थियो ।

ईलाका प्रहरी कार्यालय रत्ननगरका प्रहरी नायब उपरिक्षक रविन कार्कीका अनुसार नेपाली सेनाको बम डिस्पोजल टोलीले उक्त बम निश्क्रिय पारेको हो ।

पुलमा विप्लव समुहको ब्यानरसहित तिनवटा शंकास्पद वस्तु भेटिएको हो ।शंकास्पद वस्तु भेटिएपछि पुल वरपर आवतजावत बन्द गरिएको थियो ।