लकडाउन अवज्ञा गर्नेहरूले पञ्जाबमा काटे प्रहरीको हात

लकडाउन अवज्ञा गर्नेहरूले पञ्जाबमा काटे प्रहरीको हात

काठमाडाैं, ३० चैत

पञ्जाबको पटियालामा आइतवार निहंग सिखहरूको एक समूहले आक्रमण गरेर एक प्रहरी अधिकारीको हात काटेका छन् भने तीन अन्य प्रहरीलाई घाइते बनाएका छन् ।

प्रहरीले दिएको जानकारी अनुसार, चारपाँचजना सिखहरूको एक समूह एउटा गाडीमा यात्रा गरिरहेको थियो । बिहान साढे ६ बजेतिर अधिकारीहरूले उनीहरूलाई एउटा तरकारी बजारनिर रोके । त्यसपछि झडप भयो र उनीहरूले प्रहरीमाथि आक्रमण गरे ।

त्यसक्रममा एएसआईको हात काटियो भने तीनजना प्रहरी घाइते भए ।

प्रहरीले उनीहरूसँग पास मागेपछि उनीहरूले आक्रमण गरेको बताइएको छ । प्रहरीको ब्यारियरलाई पनि उनीहरूले गाडीले भत्काए । प्रहरीले गाडी घेरेपछि उनीहरूले तरवार र धारिलो हतियारले चारजना प्रहरीमाथि आक्रमण गरे ।

ब्म्ख्भ्च्त्क्ष्क्भ्ःभ्ल्त्

उनीहरूलाई पक्राउ गरिएको छ र ज्यान मार्ने उद्योगको उजुरी दर्ता गरिएको छ ।