क्रिकेटर ललित भण्डारीको उपचारका लागि सिप्यानले सहयोग गर्ने

क्रिकेटर ललित भण्डारीको उपचारका लागि सिप्यानले सहयोग गर्ने

क्रिकेट खेलाडी संघ नेपाल (सिप्यान) ले मोटरसाइकल दुर्घटनामा घाइते भएका राष्ट्रिय क्रिकेटर ललित भण्डारीको उपचारका लागि सहयोग गर्ने भएको छ । भण्डारीको उपचारमा सम्पूर्ण सहयोग गर्न प्रतिबद्ध रहेको एक विज्ञप्ति जारी गर्दै सिप्यानले जनाएको छ ।

क्रिकटर भण्डारीको अहिले ग्राण्डी हस्पिटल काठमाडौंमा उपचार भइरहेको छ । आइतबार कञ्चनपुरको झलारीमा ट्रकले ठक्कर दिँदा उनी घाइते भएका थिए ।

त्यसपछि धनगढीको निसर्ग हस्पिटलमा उपचारपछि उनलाई बाँकेको कोहलपुर मेडिकल कलेज लगिएको थियो । त्यहाँबाट पनि उनलाई थप उपचारका लागि काठमाडौंको ग्राण्डी हस्पिटलमा सोमबार ल्याइएको छ । भण्डारीको हात र खुट्टाको अप्रेशन गर्नुपर्ने छ भने कलेजोमा पनि चोट लागेको छ ।सिप्यानले भण्डारीको सहयोगका लागि सिप्यानसँग हातेमालो गर्दै सहयोग गर्न सम्पूर्णलाई अपिल पनि गरेको छ ।

सहयोग गर्न चाहनेले सिप्यानको पुलतीसडकस्थित सेन्चुरी कमर्सियल बैंक लिमिटेडको खाता नम्बर ००१०००२५२९ सीएमा रकम जम्मा गराउन सक्ने सिप्यानले जनाएको छ ।