सनसिटी अपार्टमेन्टमा र्‍यापिड टेस्ट २९६ जनाको रिपोर्ट नेगेटिभ

सनसिटी अपार्टमेन्टमा र्‍यापिड टेस्ट  २९६ जनाको रिपोर्ट नेगेटिभ

काठमाडौं ,३ वैशाख ।

काठमाडौँको पेप्सीकोलास्थित सनसिटी अपार्टमेन्टमा कोरोना भाइरसको परीक्षण सुरु भएको छ । अपार्टमेन्टमा बस्ने दुई सय ९६ जनामा र्‍यापिड डाइग्नोस्टिक टेस्ट (आरडीटी) विधिबाट कोरोना संक्रमण परीक्षण गरिएको छ ।

अपार्टमेन्टको ब्लक ‘ए’ मा बस्ने एकै परिवारका दुई जनामा संक्रमण देखिएपछि बुधबार विहान साढे नौ बजेबाट र्‍यापिड टेस्ट विधिबाट परीक्षण सुरु गरिएको थियो ।

ए ब्लकमा बस्ने सबै र अरु ब्लकमा बस्ने स्वास्थ्य अवस्था कमजोर भएका, ज्येष्ठ नागरिक गरी दुई सय ९६ जनाको टेष्ट गरिएको र उनीहरु सबैको रिपोर्ट नेगेभिट आएको कागेश्वरी मनहोरा नगरपालिका प्रमुख कृष्णहरि थापाले जानकारी दिए ।

सनसिटीमा पाँच वटा ब्लक छन् । त्यहाँ ५ सय परिवारका करिब १ हजार ५ सय जना बस्दै आएका छन् ।