चितवनको कोरोना अस्पतालमा १० जनाको परीक्षण, एक जना आइसोलेसनमा भर्ना

चितवनको कोरोना अस्पतालमा  १० जनाको परीक्षण, एक जना आइसोलेसनमा भर्ना

चितवन,९ चैत्र।

चितवनको भरतपुरमा रहेको कोरोना विशेष अस्पतालमा आइतबार १० जना बिरामीको स्वास्थ्य परीक्षण गरिएको छ ।

ती मध्ये एक जनामा कोरोना भाइरस (कोभिड–१९) संग मिल्दोजुल्दो लक्षण देखिएकोले आइसोलेसनमा भर्ना गरिएको कोरोना विशेष अस्पतालका सदस्य सचिव डा.भोजराज अधिकारीले जानकारी दिए । उनले भने–‘अन्य बिरामीको अवस्था सामान्य देखियो, पर्सा वीरगञ्ज घर भएका एक बरामीलाई आइसोलेसनमा राखेका छौं ।’

डा.अधिकारीले उनको नमुना काठमाडौं पठाइएकोले भोलि (सोमबार) सम्ममा कोरोना परीक्षणको रिपोर्ट आउने जानकारी दिए । शनिबार पनि कोरोना अस्पतालमा परीक्षण गरिएका एक जनालाई तत्कालका लागि भरतपुर अस्पतालको आइसोलेसन भर्ना गरिएको थियो । – नारायणी अनलाइनबाट साभार