काठमाडौं, १० चैत ।

विश्वभर कोरोना भाइरसको त्रास फैलिरहेका बेला नेत्रविक्रम चन्द विप्लव नेतृत्वको नेकपाले आक्रामक कारवाहीहरू तत्कालका लागि बन्द गरेको छ ।

पार्टी महासचिव विप्लवले सोमवार विज्ञप्ति जारी गर्दै देश कोरोना भाइरसबाट मुक्त नहुँदासम्मका लागि आक्रामक कारवाहीहरू बन्द गरिएको जानकारी गराएका हुन् ।

आफूहरूमाथि हुने दमनको प्रतिरोध भने जारी रहने विज्ञप्तिमा उल्लेख छ ।

‘कोरोना भाइरसबाट देश मुक्त नहुँदासम्म सरकारी दमनको प्रतिरोध कारवाहीबाहेक अन्य आक्रामक कारवाहीहरू बन्द गरिएको जानकारी आमजनसमुदायमा अवगत गराउँछौं,’ विप्लवद्वारा सोमवार जारी विज्ञप्तिमा भनिएको छ ।