कोरोनाको संक्रमण बढेको बढ्यै,विश्वभर साढे १६ हजारको मृत्यु,तीन लाख ८२ हजार ८१६ संक्रमित
काठमाडौं, चैत ११ ।
विश्वभर महारामारीको रुपमा फैलिरहेको नोभल कोरोनाभाइरस (कोभिड–१९) का कारण १९२ राष्ट्र प्रभावित भएका छन् ।
विश्वभर १६ हजार ५७८ जनाको मृत्यु भएको छ । तीन लाख ८२ हजार ८१६ जनामा भाइरस संक्रमणको पुष्टि भइसकेको छ ।
संक्रमितहरु ठूलो संख्यामा उपचारपछि निको पनि भएका छन् ।
पछिल्लो तथ्यांकअनुसार एक लाख दुई हजार ५२२ जना संक्रमित उपचारपछि निको भएका छन् ।
इटालीमा सबैभन्दा धेरैको मृत्यु
चीनबाट सन् २०१९ को डिसेम्बरमा सुरू भएपनि अहिले युरोप यसको केन्द्रविन्दु बनेको छ ।
सबैभन्दा धेरै मानिसको मृत्यु इटालीमा भएको छ । त्यहाँ कोरोनाका कारण मृत्यु हुनेको संख्या ६ हजार ७७ जना पुगेको छ ।
इरान
इरानमा एक हजार ८१२ व्यक्तिको मृत्यु भइसकेको छ भने २३ हजार ४९ जना संक्रमित छन् ।
स्पेन
स्पेनमा दुई हजार ३१६ जनाको मृत्यु भएको छ । संक्रमितको संख्या ३५ हजार २१२ पुगेको छ ।
जर्मनी
जर्मनीमा १२३ जनाको मृत्यु भएको छ भने २९ हजार ५६ जना संक्रमित छन् ।
अमेरिका
अमेरिकामा ५८२ जनाको मृत्यु भएको छ भने ४६ हजार १४५ जना संक्रमित छन् ।
फ्रान्स
फ्रान्समा ८६० जनाको मृत्यु भएको छ । १९ हजार ८८६ संक्रमित छन् ।
दक्षिण कोरिया
दक्षिण कोरियामा कोरोनाका कारण १११ जनाको मृत्यु भएको छ भने ९ हजार ३७ संक्रमित छन् ।
भारत
भारतमा कोरोनाका कारण मृत्यु हुनेको संख्या १० र संक्रमितको संख्या ५११ पुगेको छ ।
पाकिस्तान
पाकिस्तानमा ६ जनाको मृत्यु र ८९२ जना संक्रमित भएका छन् । – एजेन्सी