चीनमा कोरोना भाइरसका कारण २७८८ जनाको मृत्यु

चीनमा कोरोना भाइरसका कारण २७८८ जनाको मृत्यु

काठमाडौँ, १६ फागुन ।

चीनमा कोरोना भाइरसका कारण २७८८ जनाको मृत्यु भएको छ । त्यस्तै संक्रमितहरुको संख्या ७८ हजार ८३२ रहेको छ । बिहिबारमात्रै कोरोना भाइरसका कारण ४४ जनाको मृत्यु भएको छ । त्यस्तै ७९५२ जनाको अवस्था गम्भिर रहेको छ ।

नयाँ संक्रमितहरुको संख्यामा ३३५ जनाले बढेको बताइएको छ । पछिल्लो समय चीनले अपनाएको सावधानीका कारण पनि कोरोना भाइरसमा नियन्त्रण आएको बताइएको छ । मिडिया रिपोर्टका अनुसार चीनले दुई महिनाभित्र कोरोना भाइरसलाई नियन्त्रणमा लिने बताइएको छ ।