प्रचण्ड–नेपाल समूहले बागमती प्रदेशको संसदीय दलको नेताबाट पौडेललाई हटायो, शाक्य नयाँ नेता चयन

प्रचण्ड–नेपाल समूहले बागमती प्रदेशको संसदीय दलको नेताबाट पौडेललाई हटायो, शाक्य नयाँ नेता चयन

काठमाडौँ, १५ पुस ।

नेकपा प्रचण्ड–नेपाल समूहले वागमती प्रदेशको संसदीय दलको नेताबाट डोरमणि पौडेललाई हटाई नयाँ नेतामा अष्टलक्ष्मी शाक्यलाई चयन गरेको छ ।

बुधवार केन्द्रीय कार्यालय पेरिसडाँडामा शाक्यको अध्यक्षतामा बसेको प्रदेशसभा संसदीय दलको बैठकले वागमती प्रदेशको संसदीय दलको नेताबाट डोरमणि पौडेललाई हटाएर उनलाई (शाक्य)चयन गरेको हो । मुख्यमन्त्री पौडेल ओली समूहका हुन् ।

बाग्मती प्रदेशका मुख्यमन्त्री पौडेलविरुद्ध अविश्वासको प्रस्ताव दर्ता भएको छ । अब उनले एक महिनाभित्र विश्वासको मत लिनुपर्नेछ ।

बागमती प्रदेशमा नेकपाका ८१ जना संसद छन् । जसमध्ये ४५ जना शाक्यको पक्षमा रहेको स्रोतले जानकारी दियो । बागमती प्रदेशमा जम्मा प्रदेश सांसदको संख्या ११० रहेको छ ।