छाउगोठ भत्काएर सरकारले नचाहिँदो काम गर्‍यो: सांसद गजेन्द्र महत

छाउगोठ भत्काएर सरकारले नचाहिँदो काम गर्‍यो: सांसद गजेन्द्र महत

काठमाडौं,माघ १७ ।

सरकारले छाउगोठ भत्काएको भन्दै संसदमा विरोध भएको छ । जुम्लाबाट निर्वा्चित सांसद गजेन्द्र महतले छाउगोठको नाममा आफूहरुका घर भत्काएको भन्दै विरोध गर्नु भएको हो ।

प्रतिनिधिसभाको शुक्रबारको बैठकमा उहाँले भन्नु भयो , ‘एउटा व्यक्तिको मृत्यु भयो भन्दैमा घर भत्काउन पाइन्छ रु आठ जना मान्छेको एउटा होटलमा मृत्यु भएको छ, होटल भत्काउँदै हिँड्ने रु हजारौं मान्छेको बसमा मृत्यु भएको छ, बस आगो लगाउँदै हिँड्ने रु’ छाउगोठ भत्काएर सरकारले नचाहिँदो काम गरेको उहाँले बताउनु भयो ।

‘हिजो गोर्खाली सेनाको नाममा हाम्रा घर भत्काइयो, अहिले छाउगोठको नाममा हाम्रो घर भत्काउने रु के हेरेर बस्या छ गृहमन्त्रालय रु काम पा’छैन यसले रु’ उहाँले प्रश्न गर्नु भयो ।

छाउगोठ भत्काउनु भन्दा भ्रष्टाचार र अनियमितता रोक्न उहाँले सरकारलाई सुझाव दिनु भयो । ‘जिल्लामा नुन बेचिएको छ, औषधि बेचिएको छ, त्यत्रो भ्रष्टाचार छ, उनीहरुलाई सम्हाल्नु छैन,’ सांसद महतले भन्नु भयो ‘पुलको बेहाल छ, बाटोको बेहाल छ, ठेकदार कहाँ छ कहाँ छ थाहा छैन, तिनलाई कारबाही गर्नुपर्दैन रु स्कुलको अवस्था केछ, हस्पिटलको अवस्था केछ रु त्यो हेर्नुपर्दैन रु’

पश्चिम नेपालका कतिपय जिल्लाहरुमा महिनावारी भएका महिलाहरुलाई छाउगोठमा राख्ने चलन छ । छाउगोठमा बसेकै अवस्थामा कतिपयको मृत्यु हुन थालेपछि सरकारले छाउगोठ भत्काउने अभियान चलाएको छ । स्थानीय प्रहरी प्रशासनले छाउगोठ भत्काए पनि स्थानीयले फेरि पुनर्निर्माण गरेर सञ्चालनमा ल्याउने गरेका छन् ।