सुनसरीमा भरुवा बन्दुकसहित बँदेल मार्न जंगल गएका चार जना पक्राउ

सुनसरीमा भरुवा बन्दुकसहित बँदेल मार्न जंगल गएका चार जना  पक्राउ

सुनसरी,१७ माघ।

सुनसरी प्रहरीले बँदेल मार्न जंगल गएका चार जनालाई भरूवा बन्दुकसहित पक्राउ गरेको छ।

सुनसरीको धरान उपमहानगरपालिका(६ बाट दुई नाल भरुवा बन्दुक र मृत बँदेलसहित चार जनालाई प्रहरीले नियन्त्रणमा लिएको हो।

शुक्रबार बिहान १ बजे समयमा प्रहरी चौकी पानवारीबाट गस्तीमा खटिएको प्रहरी टोलीले धरान(६ स्थित गौडे आहालको जंगलबाट निस्कँदै गरेका धरान-६ पानवारीका ३० वर्षीय मणि तामाङ, २६ वर्षीय सिद्धार्थ राई, ३९ वर्षीय रामबहादुर योन्जन र ३० वर्षीय शम्भु दाहाललाई पक्राउ गरेको हो।

पक्राउ गर्दा उनीहरूको साथबाट दुई नाल भरुवा बन्दुक र मृत अवस्थाको करिब १० किलो वजन भएको बँदेल बरामद गरेको थियो।

उनीहरूले प्रयोग गरेको को २० प ८७१६ र ना १४ प ६४३३ नम्बरका मोटरसाइकल समेत नियन्त्रणमा लिइएको इलाका प्रहरी कार्यालय धरानले जनाएको छ।