आजको मौसम: केही स्थानमा मेघ गर्जनसहित वर्षाको सम्भावना

काठमाडौँ,  वैशाख १८-

मौसम पूर्वानुमान महाशाखाले आज पहाडी तथा तराई भू(भागका केहि स्थानमा क्षणिक वर्षा हुन सक्ने जनाएको छ । आज राति प्रदेश १ लगायत अन्य प्रदेशका पहाडी भू-भागका केही स्थानमा मेघ गर्जनसहित वर्षा हुन सक्ने महाशाखाले जानकारी दिएको छ ।

हाल देशमा पश्चिमी र स्थानीय वायुको प्रभाव छ । हाल देशभर बदली रही बागमती तथा गण्डकीलगायत प्रदेशका केही स्थानमा स्थानमा वर्षा भइरहेको महाशाखाले जनाएको छ ।

भोलि प्रदेश १, प्रदेश २ तथा अन्य प्रदेशका पहाडी भू-भागका केहि स्थानमा क्षणिक वर्षा हुन सक्ने छ ।

सोमबार देशभर बदली रही केही स्थानमा वर्षा हुने महाशाखाको पूर्वानुमान छ ।