खाटबाट लडेर वडाध्यक्षको मृत्यु,गाउँपालिका बन्द
प्रकाशित मिति: बिहिबार, फाल्गुण ०६, २०७७ | १२:१८:४५
नवलपुर,६ फागुन ।
पूर्वी नवलपरसीको हुप्सेकोट गाउँपालिका वडा नम्बर १ का वडाध्यक्ष चित्रबहादुर कानुङको बुधबार बिहान निधन भएको छ ।
४५ वर्षीय कानुङको बिहान मृत्यु भएको गाउँपालिकाका अध्यक्ष लक्ष्मीदेवी पाण्डेले जानकारी दिइन् ।
मंगरबार खाना खाएर घरमा राम्रैसँग सुतिरहेका उनी बिहान शौचालय जान बाहिर निस्किएको र पछि सुत्न लाग्दा अचानक खाटबाट लड्न पुगी बेहोस भएका थिए ।
बेहोस भएका उनलाई परिवारले मध्यविन्दु जिल्ला अस्पताल लगेको केही बेरमै मृत घोषणा गरेको थियो ।
हुप्सेकोट गाउँपालिका वडा नं. १ जुगेपानी घर भएका कानूको मृत्युको शोकमा बुधबार गाउँपालिका कार्यालय र मातहतका वडा कार्यालयहरु बन्द गरिएको छ ।
मृतक कानुङको शवलाई अन्तिम श्रद्धान्जलीको लागि बिहान गाउँपालिका कार्यालय परिसरमा राखिएको थियो । कानूको आज नै नारायणी नदीमा लगी दाहसंस्कार गरिएको छ ।
प्रकाशित मिति : बिहिबार, फाल्गुण ०६, २०७७ |
१२:१८:४५
1541
