प्रदेश सांसद वली माओवादीमा प्रवेश ,गुम्यो मुख्यमन्त्री पोखरेलको बहुमत ?

काठमाडौं,१९ वैशाख  ।

लुम्बिनी प्रदेशको एमाले सांसद विमला वली माओवादी केन्द्रमा प्रवेश गरेकी छिन् ।

तत्कालिन नेकपाबाट निर्वाचित सांसद वली पार्टी अलग अलग भइसकेपछि आफू माओवादी केन्द्रमा रही काम गर्न चाहेको बताउँदै माओवादी केन्द्रमा प्रवेश गरेकी हुन् ।

त्यससँगै मुख्यमन्त्री शंकर पोखरेललाई सरकार गठनका लागि बहुमत गुम्ने खतरा देखिएको छ ।

मुख्यमन्त्री पोखरेलको राजीनामासँगै केन्द्रको राजनीति समेत तातेको छ । यसैबीच एमालेको आकस्मिक स्थायी कमिटी बैठक बसेको छ । बैठकमा लुम्बिनी प्रदेशको बारेमा नै छलफल भएको बताइएको छ ।