लायन्स क्लब अफ चितवन चौतारीको रक्तदानमा ७४ जना सहभागी
चितवन, १९ असार ।
चितवनमा भइरहेको रगतको अभावलाई केही हदसम्म पूर्ति गर्ने उद्देश्यले लायन्स क्लब अफ चितवन चौतारीको मुख्य आयोजनामा भरतपुर-४ हरिकिर्तन चोक लङ्कूमा शनिबार रक्तदान कार्यक्रम सम्पन्न भएको छ । सो कार्यक्रममा ५ महिला र ६९ जना पुरुष गरी ७४ जनाले रक्तदान गरेका थिए ।
कार्यक्रममा लायन्स क्लब ईन्टरनेशनल डिष्ट्रिक ३२५ बी २ का गर्भनर रामप्रसाद भट्ट प्रमुख अतिथि थिए । सो कार्यक्रममा भरतपुर महानगरपालिका वडा-४ का वडा अध्यक्ष हरिप्रसाद आचार्य, डिष्ट्रिक सचिव प्रभाकर पण्डित, डिष्ट्रिक एक्जुकेटिभ चिफ सिद्धार्थलाल चुके, दिनानाथ न्यौपाने, नवराज सापकोटा, हरिप्रसाद घिमिरे लगायतका लायन्सकर्मीहरुको उपस्थिति रहेको थियो ।
कार्यक्रमका प्रमुख अतिथि डिष्ट्रिक गर्भनर रामप्रसाद भट्टले परिणमामुखी अझै मानवीय र सामाजिक कार्यमा संलग्न हुन लायन्सकर्मीहरुलाई आग्रह गरेका छन् ।
सोहि अवसरमा बाल बालिकाहरुमा हुने रक्त क्यान्सरको सचेतना सम्बन्धि कार्यक्रम समेत गरिएको थियो । डा निभा तिवारी र डा.विवेक कँडेलले सो कार्यक्रममा सहजीकरण गरेका थिए । कार्यक्रममा चिकित्सकहरुले रक्त क्यान्सर बारेको भ्रम र यथार्थतता एवं यसले पार्ने प्रभाव एवं उपचारात्मक अवस्थाको बारेमा चर्चा गरेका थिए ।
कार्यक्रम लायन्स क्लब अफ चितवन चौतारी, लायन्स क्लब अफ चितवन नवलपुर सम्बृद्धिको आयोजना तथा लायन्स क्लब अफ आरोग्य, लायन्स क्लब अफ चितवन मालिका, लायन्स क्लब अफ गैँडाकोट उत्कृष्ट, लायन्स क्बल अफ लायन्स क्लब अफ चितवन स्पन्दन र लायन्स क्लब अफ भरतपुर स्याउली बजारको सह आयोजनामा सम्पन्न भएको हो । कार्यक्रम लायन्स क्लब अफ चितवन चौतारीका अध्यक्ष डा. गंगा सापकोटाको अध्यक्षतामा सम्पन्न थियो ।