५ हजार ५३६ जनाको पीसीआर परीक्षण गर्दा मुलुकमा १०७ जना संक्रमित थपिए
काठमाडौं,२० फागुन ।
नेपालमा कोरोना भाइरसका १०७ जना नयाँ संक्रमित थपिएका छन् ।
पछिल्लो चौबीस घण्टामा ७८ जना संक्रमित निको भएका छन् ।
स्वास्थ्य तथा जनसंख्या मन्त्रालयले कोभिड १९ सम्बन्धी दैनिक विवरण अद्यावधिक गर्दै पछिल्लो चौबीस घण्टामा १०७ जना संक्रमित थपिँदा नेपालमा कोरोनाका कुल संक्रमितको संख्या दुई लाख ७४ हजार ४८८ पुगेको जनाएको छ ।
हाल ७९५ जनामा भाइरसको संक्रमण सक्रिय रहेको छ ।
हालसम्म दुई लाख ७० हजार ६८३ जना संक्रमित निको भएका छन् ।
कोरोना संक्रमणबाट निको हुने दर ९८.६१ रहेको छ ।
चौबीस घण्टामा ३७ जना महिला र ७० जना पुरुष संक्रमित थपिएका छन् ।
मन्त्रालयका अनुसार पछिल्लो चौबीस घण्टामा शून्य संक्रमितको मृत्यु भएको छ ।
हाल ७९५ जना आइसोलेशनमा र ५७ जना क्वारेन्टिनमा छन् ।
पछिल्लो चौबीस घण्टामा पाँच हजार ५३६ जनाको आरटीपीसीआर परीक्षण गरिएको मन्त्रालयले जनाएको छ ।
मन्त्रालयका अनुसार हालसम्म २१ लाख ७९ हजार ४७ जनाको आरटीपीसीआर परीक्षण गरिएको छ ।