यस्तो छ ओली सरकारको २५ सदस्यीय मन्त्रिपरिषद् [मन्त्रीको सूचीसहित]

काठमाडौं, २७ जेठ ।

राष्ट्रपति विद्यादेवी भण्डारीले प्रधानमन्त्री केपी शर्मा ओलीको सिफारिसमा मौजुदा मन्त्रिपरिषद् विस्तार गरी पूर्णता दिनुभएको छ । उहाँले नेकपा (एमाले) र जनता समाजवादी पार्टी नेपालका नेतासहित मन्त्री र राज्यमन्त्री गरी थप आठ जनालाई सहभागी गराई २५ सदस्यीय मन्त्रिपरिषद् विस्तार गर्नुभएको हो । यही जेठ ८ गते प्रतिनिधिसभाको विघटनपछि यो दोस्रो पटक मन्त्रिपरिषद्को विस्तार हो । यसअघि जेठ २१ गते मन्त्रिमण्डलमा हेरफेर भएको थियो ।

नवनियुक्त मन्त्रीहरुको आजै शपथ हुँदैछ । विस्तारित मन्त्रिपरिषद्मा रक्षा मन्त्रालय प्रधानमन्त्री केपी शर्मा ओलीले राख्नुभएको छ भने गृहमा खगराज अधिकारी, उद्योग, वाणिज्य तथा आपूर्तिमा राजकिशोर यादव, सञ्चार तथा सूचना प्रविधिमा नैनकला थापा, कृषि तथा पशुपन्छी विकासमा ज्वालाकुमारी साह, वन तथा वातावरणमा नारदमुनि राना, सङ्घीय मामिला तथा सामान्य प्रशासनमा गणेशकुमार पहाडी र प्रधानमन्त्री तथा मन्त्रिपरिषद्को कार्यालय हेर्ने गरी मोहन बानियाँ मन्त्री नियुक्त हुनुभएको छ ।यसैगरी, आशाकुमारी विकलाई वन तथा वातावारण मन्त्रालयका राज्यमन्त्रीमा नियुक्त गरिएको छ ।

 

पूर्णता पाएपछि यस्तो बन्यो मन्त्रिपरिषद्

केपी शर्मा ओली प्रधानमन्त्री, रक्षा

विष्णुप्रसाद पौडेल उपप्रधानमन्त्री अर्थ

रघुबीर महासेठ उपप्रधानमन्त्री परराष्ट्र

राजेन्द्र महतो उपप्रधानमन्त्री शहरी विकास

खगराज अधिकारी मन्त्री गृह

शरतसिंह भण्डारी मन्त्री ऊर्जा, जलस्रोत तथा सिंचाई

कृष्णगोपाल श्रेष्ठ मन्त्री शिक्षा, विज्ञान तथा प्रविधि

अनिलकुमार झा मन्त्री खानेपानी

शेरबहादुर तामाङ मन्त्री स्वास्थ्य तथा जनसङ्ख्या

राजकिशोर यादव मन्त्री उद्योग, बाणिज्य तथा आपूर्ति

लक्ष्मणलाल कर्ण मन्त्री भूमि व्यवस्था, सहकारी तथा गरिबी निवारण

बसन्तकुमार नेम्वाङ मन्त्री भौतिक पूर्वाधार तथा यातायात

लिलानाथ श्रेष्ठ मन्त्री कानून, न्याय तथा संसदीय मामिला

नैनकला थापा मन्त्री सञ्चार तथा सूचना प्रविधि

ज्वालाकुमारी साह मन्त्री कृषि तथा पशुपन्छी विकास

बिमलप्रसाद श्रीवास्तव मन्त्री श्रम, रोजगार तथा सामाजिक सुरक्षा

उमाशंकर अरगरिया मन्त्री संस्कृति, पर्यटन तथा नागरिक उड्डयन

चन्दा चौधरी मन्त्री महिला, बालबालिका तथा ज्येष्ठ नागरिक

एकवाल मियाँ मन्त्री युवा तथा खेलकुद

नारद मुनि राना मन्त्री वन तथा वातावरण

गणेशकुमार पहाडी मन्त्री सङ्घीय मामिला तथा सामान्य प्रशासन

मोहन बानिया मन्त्री प्रधानमन्त्री तथा मन्त्रिपरिषद्को कार्यालय

चन्द्रकान्त चौधरी राज्यमन्त्री ऊर्जा, जलस्रोत तथा सिंचाई

रेणुका गुरूङ राज्यमन्त्री महिला, बालबालिका तथा ज्येष्ठ नागरिक

आशाकुमारी वि.क. राज्यमन्त्री वन तथा वातावरण