मेलम्ची खानेपानीको सुरुङमा आजदेखि पानी पठाएर परीक्षण गरिने

मेलम्ची खानेपानीको सुरुङमा आजदेखि पानी पठाएर परीक्षण गरिने

काठमाडौं,१० फागुन ।

मेलम्ची खानेपानीको सुरुङमा पानी भरेर परीक्षण शुरु गरिएको छ ।

बहुप्रतीक्षित उक्त खानेपानीको साढे २६ किलोमिटर सुरुङमा सोमवार पानी हालेर परीक्षण थालिएको हो ।

खानेपानी मन्त्री मणि थापा, नेता शेरबहादुर तामाङ लगायतको उपस्थितिमा सुरुङमा पानी हालेर परीक्षण गरिएको हो ।

यसअघि गत असारमा सुरुङमा पानी भरेर परीक्षण गरिएको थियो । सो क्रममा हेलम्बु गाउँपालिका–१ अम्बाथानको मुख्य गेट फुटेर आयोजनाका एक इन्जिनियर र चालकलाई बगाएको थियो ।

यसपटक पहिलेको जस्तो समस्या नदोहोरियोस् भनेर विशेष शतर्कता अपनाइएको छ । उक्त स्थलमा हेलिकप्टरलाई पनि तयारी अवस्थामा राखिएको छ ।

यो साढे २६ किलोमिटर सुरुङ भर्न १६ दिन लाग्नेछ ।