कंगना रनावतको फिल्म थलैवीको ट्रेलर सार्वजनिक (भिडियो)

काठमाडौं,१० चैत ।

बलिउडकी निर्भीक अभिनेत्री कंगना रनावतको ताजा फिल्म थलैवीको ट्रेलर मंगलवार सार्वजनिक भएको छ ।

ट्रेलरले सकारात्मक प्रतिक्रिया पाइरहेको छ ।

यसमा कंगनाले तमिलनाडुकी पूर्व मुख्यमन्त्री जयललिताको जीवनकथा देखाएकी छन् ।

कंगनाको ३४औं जन्मदिनको अवसरमा आज ट्रेलर सार्वजनिक गरिएको हो । यसको टीजर फेब्रुअरी महिनामा आएको थियो ।

एएल विजयले निर्देशन गरेको फिल्ममा अरविन्द स्वामी, प्रकाश राज, जिस्सु सेनगुप्ता, भाग्यश्री लगायतको पनि अभिनय छ ।

ट्रेलरमा जयललितालाई पुरुषहरूले हेपेको देखाइन्छ । राजनीतिमा प्रवेश गर्नुअघि जयललिता अभिनेत्री भएकाले मानिसले उनीमाथि शंका गरेका थिए ।

ट्रेलरमा रोमान्टिक दृश्य र हास्यविनोदका क्षणहरू पनि छन् ।

जयललिताले चुनावी अभियान चलाएको र राज्यभरि समर्थन प्राप्त गरेको दृश्य पनि अटाएको छ । सन् १९८४ मा संसदमा गरेको पहिलो दमदार भाषण पनि देखाइएको छ ।

जयललिताको रोलका लागि कंगनाले २० किलो तौल बढाएकी थिइन् ।