देवघाट – ठिमुरा जोड्ने पुलबाट खसेर बेपत्ता एकको शव भेटियो

चितवन,१६ वैशाख ।

तनहुँको देवघाट र चितवनको ठिमुरा जोड्ने त्रिशूली नदीमाथि बनिरहेको पुल भाँचिदा बेपत्ता भएका अर्का एक जनाको शव बिहीबार भेटिएको छ ।

भारतको पश्चिम चम्पारणका २८ वर्षीय श्यामबाबु पाठकको शव भेटिएको जिल्ला प्रहरी चितवनले जनाएको छ । पाठकको  शव आज निर्माणाधीन अवस्थामा रहेको पुलमुनि खोलामा दबिएको अबस्थामा भेटिएको प्रहरीले जनाएको छ । वैशाख १२ गते पुल भाँचिदा दुई जना बेपत्ता भएका थिए ।

पुलको काम गर्दा आइतबार पुलको फलाम सहित १४ जना कामदार त्रिशुलीमा खस्दा एकजनाको मृत्यु भएको थियो भने दुईजना वेपत्ता भएका थिए । नदीमा बेपत्तामध्ये अर्को एक जनाको बुधबार शव फेला परेको थियो ।