पछिल्लो २४ घण्टामा थपिए २ हजार ६३६ कोरोना संक्रमित, २० जनाको मृत्यु

काठमाडौं, १५ असार ।

नेपालमा पछिल्लो २४ घण्टामा २ हजार ६३६ जना कोरोना संक्रमित थपिएका छन् ।योसँगै नेपालमा कोरोना संक्रमितको संख्या ६ लाख ७० हजार ८५७ पुगेको छ ।

स्वास्थ्य तथा जनसंख्या मन्त्रालयले मंगलबार दिएको जानकारी अनुसार ७,२५९ जनामा गरिएको पीसीआर परीक्षणमा १,७२८ र ४४८९ एन्टिजेन परीक्षणमा ९०८ गरी २हजार ६३६ जनामा संक्रमण पुष्टि भएको हो ।

सोमबारको तुलनामा मंगलबार झण्डै दुई सय जना बढीमा संक्रमण देखिएको छ । सोमबार ११,६४० जनामा परीक्षण गर्दा २,४४४ जनामा संक्रमण देखिएको थियो ।

पछिल्लो २४ घण्टामा कोरोना संक्रमणमुक्त हुनेको संख्या ४,४८९ जना रहेको मन्त्रालयले जनाएको छ । हालसम्म नेपालमा ५ लाख ९२ हजार ५३५ जना कोरोना संक्रमित  निको भएका छन् ।

कोरोना संक्रमणका कारण पछिल्लो २४ घण्टामा २० जनाको मृत्यु भएको छ । हालसम्म कोरोनाको कारण ९ हजार ७१ जनाको मृत्यु भएको छ । यस्तै देशभर ३३८ जना क्वारेन्टिनमा रहेका छन ।