प्रदीप खड्का र नाना पाटेकरबीच हिन्दी फिल्ममा सहकार्यको चर्चा

काठमाडौं । प्रदीप खड्का र बलिउड अभिनेता नाना पाटेकरबीच केही दिनअघि मुम्बईमा भेट भएको छ । यी दुई कलाकारबीचको यो भेट तेस्रोपटक हो ।

‘प्रेमगीत’ फेम्ड निर्देशक तथा निर्माता सन्तोष सेनले प्रदीप र नानाबीचको भेटबारेको तस्वीर सार्वजनिक गरेपछि यसले फिल्मवृत्तमा चर्चा बटुलेको छ । औपचारिक रुपमा केही नबताइए पनि प्रदीप र नानाबीच एक हिन्दी फिल्ममा सहकार्यको तयारी छ ।

प्रदीपले बलिउड फिल्म साइन गर्ने चर्चाका बीच बाहिरिएको यो तस्वीरलाई महत्वका साथ लिइएको छ । निर्माण हुन लागेको यो नयाँ प्रोजेक्टमा प्रदीप र नानाले सहकार्य गर्न सक्ने र उक्त भेट सोही उद्देश्यले भएको निकट स्रोतले जनाएको छ ।