भक्तपुर, १२ मङ्सिर | भक्तपुरको ठिमीमा सवारी दुर्घटना हुँदा मोटरसाइकाल चालाकोको मृत्यु भएको छ भने सोहि मोटरसाईकलमा सवार अर्का व्यक्ति भने घाइते भएका छन् । दुर्घटनामा गम्भीर घाइते भएका मोटरसाईकल चालकलाई मध्यपुर ठिमी अस्पताल लगिएको थियो । उपचारकै क्रममा भक्तपुरको क्वाँछेमा बस्ने २८ वर्षीय मोटरसाईकल चालक सिजन फसिकवाको मृत्यु भएको हो । सोहि मोटरसाईकलमा सवार अर्का घाइते ३२ वर्षीय सुनिल ग्वाछाको मध्यपुर ठिमी अस्पताल मै उपचार भइरहेको जिल्ला प्रहरी परिषर भक्तपुर जनाएको छ । आइतबार राती ११:१५ बजे दुवाकोटबाट पुरानोठिमी तर्फ आउँदै गरेको प्रदेश ३-०१-०२३ च. ४२९३ नं. को महिन्द्र मक्सिमो गाडी र विपरित दिशाबाट जाँदै गरेको बा. १० प. ९५०८ नं. को मोटरसाईकल पुरानोठिमी हुकाम ओरालोमा पुग्दा एक-आपसमा ठोकिएको थियो | दुर्घटनामा संलग्न भएका सवारी साधनहरु प्रहरीले नियन्त्रण लिएको सूचना अधिकारी प्र. ना.उ राजु पाण्डेले जनाएका छन् । उनका अनुसार दुर्घटनामा संग्लन महिन्द्र मक्सिमो गाडीका चालक २७ वर्षीय दाताराम पहाडीलाई समेत नियन्त्रणमा लिई थप अनुसन्धान भइरहेको छ । सिन्धुली फिक्कल गाउँ पालिकामा स्थाई घर भएका पहाडी हाल भक्तपुरको दुवाकोटमा बस्दै आएका छन् ।