आमाले गर्थिन् यस्तो काम, थाहा पाउनासाथ विद्यालयले छोरालाई निकाल्यो
आमाको धन्दा थाहा पाएपछि छोराले दु:ख पाएका छन् । रोचक कारण देखाउँदै एक ७ वर्षीय बालकलाई विद्यालयबाट निलम्बन गरिएको हो ।
वास्तवमा ती महिला (आमा) वयस्क वेबसाइटका लागि मोडलिङ गर्थिन् । यो जानकारी विद्यालय प्रशासनले पाएपछि छोरालाई निकालेको हो । सारा ब्लेक चिकको दावी अनुसार उनको कामको कारणले गर्दा उनको छोरालाई स्कूलबाट निकालियो ।
विद्यालयले चालेको कदमबाट आफूलाई लाज लागेको उनले प्रतिकृया दिइन् । यसअघि भिक्टोरिया ट्रीज नामकी महिलाको बच्चासँग पनि यस्तो भएको थियो । त्यसपछि एक अभिभावकले विद्यालयका प्रधानाध्यापकलाई आफ्नो वेबसाइटको कामको बारेमा जानकारी दिँदै इमेल पठाएका थिए ।
त्यसपछि भिक्टोरियाले ओरेन्ज काउन्टी पब्लिक स्कूलविरुद्ध मुद्दा दायर गरेकी थिइन् ।अहिले साराले पनि भिक्टोरियालाई यस कुरामा साथ दिएकी छिन् ।
साराले डेली स्टारलाई भनिन्, ‘जब भिक्टोरियाको कुरा बाहिर आयो, मैले उनलाई म्यासेज गरें, त्यसपछि हामीले हाम्रो मुद्दा लड्ने एक वकिल तय गर्यौँ ।’ वास्तवमा, सारा र भिक्टोरिया एउटै वेबसाइटमा काम गर्ने गरेको खुलासा भएको छ ।
साराले भनिन्, ‘मलाई बाल विद्यालयको फुटबल संगठनले प्रतिबन्ध लगाएको थियो । मैले मेरो बच्चालाई अभ्यासमा लैजान सकिन् । यस क्रममा ती मानिसहरूले मलाई सार्वजनिक रूपमा गाली गरे । मेरो बच्चालाई विद्यालयबाट निलम्बन गरियो र प्रधानाध्यापकले मसँग कुरा पनि गरेनन् ।’ चार सन्तानकी आमा सारा आफ्नो पति म्याटसँग अमेरिकाको फ्लोरिडामा बस्छिन् ।
भिक्टोरिया र आफूले न्याय पाउनेमा आफू आशावादी रहेको उनले बताइन् । विद्यालयबाट कुनै पनि प्रकारको जानकारी नआउनु उनका लागि अचम्मको कुरा भएको छ । उनले थप भनिन्, ‘अहिले मैले मेरो बच्चालाई घरमै पढाएर सामुदायिक विद्यालयमा भर्ना गराएको छु ।’ साराले एउटा व्यवस्थापन कम्पनी पनि चलाउँदै आएकी छिन् ।