थाकसको नयाँ कार्यसमितिलाई अभिमुखिकरण

चितवन , २७ साउन । थारु कल्याणकारीणी सभा (थाकस) चितवन क्षेत्र नम्बर ७ को नयाँ कार्यसमितिलाई अभिमुखिकरण दिइएको छ । थाकस चितवन क्षेत्र नम्बर ७ को आयोजनामा आज नयाँ कार्यसमितिका पदाधिकारी र गाउँ इकाई सभापति तथा सचिवहरुलाई अभिमुखिकरण दिइएको हो ।

कार्यक्रममा थाकस चितवनका पुर्व अध्यक्ष टिकेन्द्र चौधरी र थाकस चितवनका सदस्य तथा थाकसको प्रशिक्षण विभाग प्रमुख जित बहादुर महतोले प्रशिक्षण दिएका थिए । कार्यक्रममा सहभागीहरुलाई थारु कल्याणकारीणीको हालको वस्तुगत अवस्था , ऐतिहासिक पृष्ठभुमि , सकारात्मक सोच र नेतृत्व विकास लगायतको विषयमा प्रशिक्षण दिइएको थाकसका क्षेत्रिय सभापति रामेश्वर चौधरीले जानकारी दिए । कार्यक्रममा थाकसका केन्द्रिय सदस्य राजेन्द्र प्रसाद चौधरी , थाकसका जिल्ला सभापति ललित कुमार चौधरी , उप सभापति एवम् खैरहनी १० का वडा अध्यक्ष चन्द्र विक्रम चौधरी लगायतले मन्तव्य राखेका थिए ।