खैरहनीमा बसको ठक्करबाट एकजनाको मृत्यु
प्रकाशित मिति: शुक्रबार, कार्तिक १०, २०८० | ६:३४:३४
चितवन , १० कार्तिक । पुर्वीचितवनको खैरहनीमा बसको ठक्करबाट एकजनाको मृत्यु भएको छ । पुर्व पश्चिम राजमार्ग अन्तर्गत खैरहनी नगरपालिका वडा नम्बर १ बहेरा चोकमा विहिबार बेलुका बसले स्कुटरलाई ठक्करदिदा स्कुटर चालकको मृत्यु भएको हो ।
पुर्वबाट पश्चिम तर्फ जाँदै गरेको बा ९६ प ३६३४ नं. स्कुटरलाई बिपरित दिशाबाट जाँदै गरेको बा ३ ख २३५४ नं.को बसले ठक्कर दिएको हो । दुर्घटनामा परि गम्भीर घाइते भएका स्कुटर चालक सिन्धुपाल्चोक जिल्ला सुनकोशी गा.पा. ५ बस्ने बर्ष २३ को आनन लामालाई उपचारको लागि पुरानो मेडिकल कलेज भरतपुर पुर्याउदा चिकित्सकले मृत घोषणा गरेको प्रहरीले जनाएको छ ।
बस र चालक इलाका प्रहरी कार्यालय खैरहनीको नियन्त्रणमा रहेको जिल्ला प्रहरी कार्यालय चितवनका प्रवक्ता प्रहरी नायव उपरीक्षक विजयराज पण्डितले जानकारी दिए ।
प्रकाशित मिति : शुक्रबार, कार्तिक १०, २०८० |
६:३४:३४
3763
