रत्ननगरमा मोटरसाइकल दुर्घटनाहुँदा ३ जना गम्भीर घाइते
प्रकाशित मिति: शुक्रबार, कार्तिक १०, २०८० | ६:५१:१०
चितवन , १० कार्तिक । पुर्वीचितवनको रत्ननगरमा मोटरसाइकल दुर्घटना हुँदा तीनजना गम्भीर घाइते भएका छन् । रत्ननगर नगरपालिका वडा नम्बर ७ बद्रेनी स्थित भित्रि सडक खण्डमा बद्रेनीबाट हात्तीचोक तर्फ आंउदै गरेको बा.प्र.०६-००१प ४७९० नम्बरको मोटरसाइकल गएराती आंफै अनियन्त्रित भएर पल्टिँदा मोटरसाइकलमा सवार तिनजना गम्भीर घाइते भएका हुन् ।
घाइते हुनेहरुमा खैरहनी नगरपालिका वडा नम्बर १२ बस्ने मोटरसाइकल चालक २० वर्षीय सुमित महत्तो , मोटरसाइकलमा सवार राप्ती न.पा.६ बस्ने वर्ष २१ को विज्ञान चौधरी र वर्ष २२ को रोसन चौधरी रहेको जिल्ला प्रहरी कार्यालय चितवनका प्रवक्ता प्रहरी नायव उपरीक्षक विजजराज पण्डितले जानकारी दिए । गम्भीर घाइते तिनैजनाको भरतपुर स्थित पुरानो मेडिकल कलेजमा उपचार भइरहेको प्रहरीले जनाएको छ ।
प्रकाशित मिति : शुक्रबार, कार्तिक १०, २०८० |
६:५१:१०
2993
