खैरहनीमा मोटरसाइकल दुर्घटनाहुदाँ एकजनाको मृत्यु, एक गम्भिर घाइते
प्रकाशित मिति: आइतबार, मंसिर २४, २०८० | ७:५६:११
चितवन , २४ मंसिर । पूर्वीचितवनको खैरहनीमा मोटरसाइकल दुर्घटनाहुदाँ एकजनाको मृत्यु भएको छ । खैरहनी नगरपालिका वडा नम्बर १० स्थित भित्री सडकखण्डमा ना ३४ प ९९९६ नम्बरको मोटरसाइकल आफै अनियन्त्रित भएर दुर्घटना भएको प्रहरीले जनाएको छ ।
मोटरसाइकल अनियन्त्रित भएर सडक छेउको विजुलीको पोलमा ठक्कर खादा मोटरसाइकल चालकको मृत्यु भएको छ । खैरहनी नगरपालिका वडा नम्बर २ कासीगाँउ निवासी २५ बर्षिय मनिष भट्टराईको उपचारको क्रममा पुरानो मेडिकल कलेज भरतपुरमा मृत्यु भएको जिल्ला प्रहरी कार्यालय चितवनका प्रवक्ता प्रहरी नायव उपरिक्षक विजयराज पण्डितले जानकारी दिए । दुर्घटनामा परि मोटरसाइकलको पछाडी सवार खैरहनी १ ज्यामिरे बस्ने २४ वर्षिय सचिन शाह गम्भिर घाइते भएको प्रहरीले जनाएको छ ।
प्रकाशित मिति : आइतबार, मंसिर २४, २०८० |
७:५६:११
4335
