राप्तीको कोराकमा रोटरीको निशुल्क आँखा शिविर ,२ सय ८६ जनाको आँखा परिक्षण

??चितवन ।
पुर्वी चितवनको कोराकमा आँखा शिविर संचालन भएको छ । राप्ती नगरपालिका वडा नम्बर १० कोराकमा रोटरी क्लवले शुक्रबार आँखा शिविर गरेको हो । रोटरी क्लव अफ पुर्वी चितवन , रोटरी क्लव अफ हेटौंडा ,रोट्रयाक्ट क्लव अफ पुर्वी चितवन र रोट्रयाक्ट क्लव अफ हेटौंडाको आयोजना तथा हेटौंडा सामुदायिक आँखा अस्पतालको प्राविधिक सहयोगमा भएको आँखा शिविरमा २ सय ८६ जनाको आँखा परिक्षण गरिएको थियोे ।
आँखा परिक्षण गरेकोमध्य १० जनाको मोतिबिन्दुको शल्यक्रिया गर्नुपर्ने भेटिएको रोटरी क्लव अफ पुर्विचितवनको अध्यक्ष विनोद नेपालले जानकारी दिए । शल्यक्रिया गर्नुपर्ने देखिएकालाई हेटौंडा सामुदायिक आँखा अस्पतालमा निशुल्क शल्यक्रियाको व्यवस्था मिलाइएको र शल्यक्रिया खर्च , औषधि खर्च र अस्पताल जाने आउने खर्च समेत रोटरी क्लवले व्यवस्था गरेको अध्यक्ष नेपालले बताए । शिविरमा राप्ती १० का वडा अध्यक्ष तेज बहादुर तामाङ प्रमुख अतिथि रहेका थिए ।