चोरी तथा हराएको १९ वटा मोबाइल बरामद,११ वटा मोबाइल धनीलाई हस्तान्तरण

चितवन , ९ चैत । इलाका प्रहरी कार्यालय टाँडीले विभिन्न स्थानबाट चोरी भएको तथा हराएको १९ थान मोबाइल बरामद गरेको छ । रत्ननगर र कालिकाको विभिन्न स्थानबाट चोरी भएको तथा हराएको मोबाइल प्रहरीले खोजतलास गर्दै जाँदा फेला पारेको हो ।

फेला परेको मोबाइलमध्य ८ वटा चोरीसँग सम्बन्धित र अन्य ११ वटा हराएको मोबाइलहरु रहेको इलाका प्रहरी कार्यालय टाँडीका प्रमुख प्रहरी नायव उपरिक्षक अनिल कुमार खड्काले जानकारी दिए । बरामद भएको मोबाइलहरु आज सम्बन्धित धनीहरुलाई हस्तान्तरण गरिएको छ । चोरीसँग सम्बन्धित मोबाइलहरु अनुुसन्धानको क्रममै रहेकोले उक्त मोबाइलहरु कार्यालयमै रहेको र अन्य हराएर फेला परेको मोबाइलहरु आज हस्तान्तरण गरिएको इलाका प्रहरी कार्यालय टाँडीका प्रहरी निरिक्षक दिपेन्द्र अधिकारीले बताए । मोबाइल हस्तान्तरण कार्यक्रममा प्रहरी नायव उपरिक्षक खड्काले मोबाइलमा रहेको सुरक्षा प्रविधिको बारेमा जानकारी समेत दिएका दिए ।

भिडियो