आत्महत्या न्यूनीकरण सम्बन्धी खैरहनीमा अभिमुखिकरण

चितवन , २ असार । खैरहनी नगरपालिकामा आत्महत्या न्यूनीकरण सम्बन्धी अभिमुखिकरण तथा अन्तर्कृया कार्यक्रम भएको छ । जनस्वास्थ्य कार्यालय चितवनको आयोजनामा खैरहनीका स्वास्थ्यकर्मी र विद्यालयका शिक्षकहरुआई आज अभिमुखिरण दिइएको हो ।

पछिल्लो समय बढ्दो आत्महत्याको घटना न्यूनीकरण गर्न स्वास्थ्यकर्मी र शिक्षकहरुको महत्वपूर्ण भुमिका रहेने भएकाले अभिमुखिकरण कार्यक्रम राखिएको जनस्वास्थ्य कार्यालय चितवनका प्रमुख दिनेश रुपाखेतीले जानकारी दिए । अभिमुखिकरणको उद्घाटन सत्रमा खैरहनी नगरपालिकाका नगर प्रमुख शशी कुमार खनिया , उप प्रमुख कविता उप्रेतीले मानिसक स्वास्थ्यमा ध्यान दिनुपर्नेमा जोड दिए । पारिवारिक , आर्थिक वा सामाजिक कारणबाट मानिसमा तनाव उत्पन्न भए मानसिक स्वास्थ्यमा समस्या आउन सक्ने जसको कारणबाट आत्महत्या गर्ने समस्या रहेको भन्दै त्यसको न्यूनीकरणमा सबै लाग्नुपर्नेमा जोड दिए ।

कार्यक्रममा डा.सोपनिल शर्मा र मनोविद दिवाकर जोशीले सहजीकरण गरेका थिए । आत्महत्याको विषय मानसिक स्वास्थसंग जोडिएकोले सबैले एकअर्काको निगरानी र स्वभाव मुल्यांकन गर्नुपर्ने उनीहरुले बताए । आत्महत्या गर्नेहरुमध्य अधिकान्स डिप्रेसनमा परेकाहरु रहने गरेको , पछिल्लो समय बच्चामा समेत डिप्रेशनको समस्या देखिएको , आत्महत्याको समाचारको कारण समेत प्रचारप्रसारले गर्दा डिप्रेसनमा परेकाले त्यही बाटो रोज्ने गरेको ठूलो समस्या रहेको उनीहरुले बताए । शिक्षकहरुले बच्चाहरु संग खुलेर कुराकानी गर्दा उनीहरुलाई परेको समस्या बेलैमा समाधान गरेर मानसिक स्वास्थ्य ठिक राख्न सके आत्महत्याको घटना निकै कमि आउने उनीहरुको बिश्वास छ । त्यस्तै स्वास्थकर्मीहरुले विरामीहरुलो प्रकृति हेरेर सोही अनुरुपको राम्रो परामर्श दिएर आत्महत्या गर्ने संभावना न्यूनीकरण गर्न सकिने प्रशिक्षकहरुले बताए ।