नारायणगढ मुग्लिङ्ग सडक खण्ड पहिरोले अवरुद्ध ,दुईवटा यात्रुबाहक बस समेत बगाएको आशंका
प्रकाशित मिति: शुक्रबार, आषाढ २८, २०८१ | ५:४९:०४
चितवन , २८ असार । नारायणगढ मुग्लिङ्ग सडक खण्ड पहिरोले अवरुद्ध भएको छ । विभिन्न स्थानमा पहिरो खसेर सडक पूर्ण रुपमा अवरुद्ध भएको हो । नारायणगढ मुग्लिङ्ग सडक खण्डको सिमलताल नजिक पहिरोले यात्रुबाहक बस समेत बगाएको आशंका गरिएको छ ।
दुईवटा बस बगाएको प्रारम्भिक जानकारी आएको र आफूहरु घटनास्थलमै रहेको चितवन प्रहरी प्रमुख प्रहरी उपरिक्षक भावेश रिमालले जानकरी दिए । बसमा रहेका तिनजना यात्रु पौडिएर बाहिर निस्किएको उनले बताए । बस हालसम्म नदेखिएको उनले बताए । अन्य सवारीसाधनहरुलाई प्रहरीले अहिले भरतपुर र मुग्लिङ्गतर्फ सुरक्षित स्थानमा नै रोकिरहेको छ । घटनाको थप विवरण आउन बाँकी रहेको छ ।
प्रकाशित मिति : शुक्रबार, आषाढ २८, २०८१ |
५:४९:०४
2531
