खैरहनी नगरपालिका वडा नं. ५ र ७ को आफ्नै भवनबाट सेवा सुरु

चितवन, २ साउन । खैरहनी नगरपालिकाको दुईवटा वडाले आफ्नै भवनबाट सेवा सुुरु गरेका भएको छ । खैरहनी नगरपालिकाको वडा नम्बर ५ र ७ ले आजदेखी आफै नयाँ भवनबाट सेवा दिन सुुरु भएको हो । नवनिर्मित दुवै भवनको आज खैरहनी नगरपालिकाका नगर प्रमुख शशि कुमार खनियाँ र उप प्रमुख कविता उप्रेतीले उद्घाटन गरेका छन् ।

खैरहनीमा जनप्रतिनिधिहरुको दोस्रो कार्यकालको दुई बर्ष पुुरा हुदाँ बल्ल वडा नम्बर ५ र ७ ले आफ्नै भवन पाएका छन् । २०७९ साल माघ १८ गते सम्झौता भई निर्माण सुुरु भएको वडा नम्बर ५ को भवन ५९ लाख २ हजार ७९ रुपैयाँमा सम्पन्न भएको छ । त्यस्तै वडा नम्बर ७ को भवन २०८० साल बैशाख २५ गते सम्झौता भई ६८ लाख ८२ हजार रुपैयाँ लागतमा सम्पन्न भएको खैरहनी नगरपालिकाका प्रमुख प्रशासकीय अधिकृत विष्णुप्रसाद सापकोटाले जानकारी दिए । आफ्नै भवन नहुुदाँ विद्यालयको पुरानो भवनबाट वडा नम्बर ५ ले सेवा दिदै आएको थियो भने वडा नम्बर ७ ले भाडाको घरबाट सेवा दिदै आएको थियो ।

भवन उद्घाटनको क्रममा बोल्दै खैरहनीका नगर प्रमुख शशि कुमार खनियाँले अघिल्लो जनप्रतिनिधिहरुको कार्यकालमा बाँकी रहेको वडा कार्यालय र स्वास्थ्य चौकीहरु अहिलेको जनप्रतिनिधिको कार्यकालमा धमाधम निर्माण गरिरहेको बताए । नगरपालिकामा अझै धेरै काम गर्नुपर्ने अवस्था रहेको र क्रमैसँगै विकास निर्माणको काम हुने उनले बताए । नगर प्रमुख खनियाँले अझै पनि वडा नम्बर १३ को नयाँ भवन निर्माण गर्न बाँकी रहेको भन्दै वडा नम्बर ६ र १२ लाई स्तरउन्नती गर्नुुपर्ने अवस्था रहेको बताए । नागरिक र जनप्रतिनिधिबिचको समन्वयमा समग्र खैरहनीको विकासमा सबै लाग्नुपर्नेमा उनले जोड दिए । विगतमा एउटै कार्यालयबाट ४ वटा वडाको काम गरेको स्मरण गर्दै क्रमशै सबै वडा कार्यालयको आफ्नै भवन निर्माण भइरहेको नगर उप प्रमुख कविता उप्रेतीले बताइन् । नगरपालिका स्थापना हुदाँको विकासको अवस्था र अहिलेको अवस्था नागरिकले स्वयंम् मूल्यांकन गर्न सक्ने भन्दै उप प्रमुख उप्रेतीले पुर्वाधार विकाससँगै शिक्षा ,स्वास्थ्य ,कृषि, रोजगारको क्षेत्रमा समेत नगरपालिकाले काम गरिहरको बताइन् ।

खैरहनी ५ का वडा अध्यक्ष छत्रनाथ सुवेदीले नयाँ भवनबाट अब सहज तवरले सेवा दिन आफूूहरु प्रतिवद्ध रहेको बताए । उनले सबैको एकता र सहयोगले मात्रै वडाको विकास सम्भव रहेको भन्दै सवैलाई आगामी दिनमा समेत साथ र सहयोग अपेक्षा रहेको बताए । खैरहनी नगरपालिकाभित्र अहिले दलिय मतभेद नरहेको भन्दै नगर विकासमा सबै एक भएर अगाडी बढेको उनले बताए । त्यस्तै खैरहनी ७ का वडा अध्यक्ष मनेजर महतोले आफ्नो दोस्रो कार्यकालमा वडा कार्यालय निर्माण गर्न सफल भएको बताए । उनले नयाँ भवनबाट अब जनताले सहज र सरल रुपमा सेवा लिन सक्ने बताए । कार्यक्रममा खैरहनी नगरपालिका वडा नम्बर ५ का वडा सदस्य छन्नुराम महतो र वडा नम्बर ७ का वडा सदस्य जिवन श्रेष्ठले मन्तव्य राखेका थिए ।

भिडियो