अवैध रुपमा बालुवा गिटी झिक्ने टिपर र जेसीबी चालकसहित चार पक्राउ

Desk
  |   
प्रकाशित मिति: माघ २०, २०७६
24 Shares

जनकपुरधाम,२० माघ ।

खोलाको बगरमा अवैध रुपमा उत्खनन् गरिरहेको टिपर र जेसीबीलाई प्रहरीले नियन्त्रणमा लिएको छ।

धनुषा जिल्लाको गणेशमान चारनाथ नगरपालिका वडा नं। ५ चिसापानी स्थित कमला खोला र सिरहाको कर्जनहा नगरपालिका वडा नं। १ स्थित रहेको कमला खोलाको बगरमा ढुँगा, बालुवा, ग्राभेल उत्खनन गरिरहेको समयमा धनुषा प्रहरीले आइतबार राति ४ वटा टिपर, १ जेसीभी सहित ४ जना चालकलाई नियन्त्रणमा लिएको हो।

प्रहरीले बा २ क २९८७ नम्बरको जेसिबि, ना २ क २८४, ना २ क २७८, भे १ ख २९३९ र बा ३ ख ७६०० नम्बरको पिटर नियन्त्रणमा लिएको जिल्ला प्रहरी कार्यालय धनुषाका प्रहरी उपरीक्षक रमेशकुमार वस्नेतले जानकारी दिए।

प्रहरीले तीन टिपर चालक र एक जेसिभी चालकलाई समेत नियन्त्रणमा लिन सफल भएको छ भने एक जना टिपर चालक अझै फरार रहेका छन्।

पक्राउ पर्नेमा जेसिबि चालक सिरहा जिल्लाका कर्जनहा नगरपालिका वडा नं। २ का ३८ वर्षीय राजकुमार राउत, धनुषाको लक्ष्मिनिया नगरपालिका वडा नं। ३ का २४ वर्षीय पूण्यप्रसाद राउत, मिथिला नगरपालिका वडा नं।(२ का ३० वर्षीय गोपाल महतो र महोत्तरी जिल्लाको बर्दिबास नगरपालिका वडा नं। १ का ३३ वर्षीय रामु महतो रहेका छन्।

प्रहरीले नियन्त्रणमा लिएको टिपर र जेसीबी जनकपुरधाम उपमहानगरपालिका १४ मुजेलियाका उपेन्द्र साहले सञ्‍चालन गर्दै आएको मिथिला कन्ट्रक्सनको रहेको बताइएको छ।

नियन्त्रणमा लिइएको टिपर तथा जेसिबि जिल्ला समन्वय समिति धनुषालाई बुझाइ सकिएको प्रहरी उपरीक्षक बस्नेतले बताए।

Desk
प्रकाशित मिति: माघ २०, २०७६
24 Shares