नेपाली कांग्रेसको केन्द्रीय कार्यसमिति बैठक स्थगित, अब मंसिर ४ गते बस्ने
प्रकाशित मिति: सोमबार, मंसिर ०१, २०८२ | ७:५०:३०
चितवन, ०१ मंसिर । आज बस्ने भनिएको नेपाली कांग्रेस केन्द्रीय कार्यसमितिको बैठक स्थगित गरिएको छ। पार्टीका मुख्यसचिव कृष्णप्रसाद पौडेलका अनुसार बैठक अब आउँदो मंसिर ४ गते बिहीबारका लागि सारिएको हो।
महाधिवेशनलगायतका विषयमा आन्तरिक सहमति नजुटेकाले बैठक प्रभावित भएको बताइएको छ। स्थगित बैठकमा केन्द्रीय कार्यसमितिका पदाधिकारी, सदस्य, आमन्त्रित सदस्य तथा सातै प्रदेश कार्यसमितिका सभापतिको उपस्थिति आवश्यक हुने उल्लेख गर्दै पौडेलले पुनः निर्धारित मितिमा सहभागिताको अनुरोध गरेका छन्।
प्रकाशित मिति : सोमबार, मंसिर ०१, २०८२ |
७:५०:३०
573
