एनपिएल लिग चरणको अन्तिम खेलमा कर्णाली याक्स र जनकपुर बोल्ट्स भिड्दै
प्रकाशित मिति: आइतबार, मंसिर २१, २०८२ | १६:४३:२२
चितवन, २१ मंसिर । नेपाल प्रिमियर लिग (एनपिएल) अन्तर्गत लिग चरणको अन्तिम खेलमा आज कर्णाली याक्स र पूर्व विजेता जनकपुर बोल्ट्स भिड्दैछन्। प्लेअफको दौडबाट बाहिरिसकेका दुवै टोली आज आफ्नो प्रतिष्ठाका लागि खेल्नेछन्।
कीर्तिपुरस्थित त्रिभुवन विश्वविद्यालय अन्तर्राष्ट्रिय क्रिकेट मैदानमा जनकपुरले टस जितेर कर्णालीलाई पहिले ब्याटिङको निम्तो दिएको छ। अबसम्म दुवै टोलीले समान छ खेल खेल्दै एक-एक मात्र जित हासिल गरेका छन्।
यस प्रतियोगितामा सुदूरपश्चिम रोयल्स र विराटनगर किङ्सले क्वालिफायरको लागि छनोट पाएका छन्, जबकि काठमाडौँ गोर्खाज र लुम्बिनी लायन्सले एलिमिनेटरमा स्थान सुरक्षित गरिसकेका छन्।
प्रकाशित मिति : आइतबार, मंसिर २१, २०८२ |
१६:४३:२२
815
