नागार्जुनमा दुई मोटरसाइकल ठोक्किँदा एक युवकको मृत्यु
प्रकाशित मिति: बुधबार, माघ १४, २०८२ | १९:३१:३०
चितवन, १४ माघ । काठमाडौँको नागार्जुन नगरपालिका–६ स्थित फस्कू चोकमा दुई वटा मोटरसाइकल आपसमा ठोक्किँदा एक जनाको मृत्यु भएको छ। गएराति बाप्र ०२–०२–००३ प ६७१६ नम्बरको मोटरसाइकल र बाप्र ०२–०५४ प ०५५७ नम्बरको मोटरसाइकल ठोक्किँदा दुर्घटना भएको हो।
दुर्घटनामा बाप्र ०२–०५४ प ०५५७ नम्बरको मोटरसाइकल चालक भीमढुङ्गाका २५ वर्षीय भीमराज तामाङ गम्भीर घाइते भएका थिए। घाइते तामाङको उपचारका क्रममा आज बिहान मनमोहन अस्पताल, स्वयम्भूमा मृत्यु भएको प्रहरी प्रधान कार्यालय केन्द्रीय समाचार कक्षले जनाएको छ।
दुर्घटनामा संलग्न अर्को मोटरसाइकल चालकलाई प्रहरीले नियन्त्रणमा लिई घटनाबारे आवश्यक अनुसन्धान अघि बढाएको जनाएको छ।
प्रकाशित मिति : बुधबार, माघ १४, २०८२ |
१९:३१:३०
133
