५३ जिल्लाका ११७ निर्वाचन क्षेत्रको मतपत्र छपाइ सम्पन्न
प्रकाशित मिति: बुधबार, माघ २८, २०८२ | १७:१८:४७
चितवन, २८ माघ । फागुन २१ गते हुने प्रतिनिधिसभा निर्वाचनका लागि हालसम्म एक करोड ५० लाखभन्दा बढी मतपत्र छपाइ भइसकेको छ।
५३ जिल्लाका ११७ निर्वाचन क्षेत्रको मतपत्र तयार भइसकेको निर्वाचन आयोगले जानकारी दिएको छ।
समानुपातिक प्रणालीतर्फ दुई करोड आठ लाख ३० हजार मतपत्र छापेर प्याकिङसमेत सम्पन्न गरिएको छ भने प्रत्यक्षतर्फ दुई करोड तीन लाख २३ हजार मतपत्र छपाइ गर्नुपर्ने छ। दैनिक १३ देखि १५ लाख मतपत्र छपाइ र करिब एक हजार बाकस प्याकिङ भइरहेको आयोगले जनाएको छ।
प्रकाशित मिति : बुधबार, माघ २८, २०८२ |
१७:१८:४७
705
