सुशीला कार्की: प्रजातन्त्र आमनागरिकको मुहारमा झल्कनुपर्छ
प्रकाशित मिति: बिहिबार, फाल्गुण ०७, २०८२ | १४:००:३७
चितवन, ०७ फाल्गुण। प्रधानमन्त्री सुशीला कार्कीले प्रजातन्त्रको वास्तविक झल्को आमनागरिकको जीवनस्तर, मुस्कान र निस्फिक्री निद्रामा देखिनुपर्ने बताउनुभएको छ ।
७६औँ राष्ट्रिय प्रजातन्त्र दिवसका अवसरमा सैनिक मञ्च टुँडिखेलमा आयोजित विशेष समारोहलाई सम्बोधन गर्दै उहाँले प्रजातन्त्रलाई केवल शासन प्रणालीको प्राविधिक परिवर्तनका रूपमा सीमित गर्न नहुने धारणा राख्नुभयो ।
प्रधानमन्त्री कार्कीले प्रजातन्त्रलाई जीवनशैलीको रूपमा व्याख्या गर्दै अभिव्यक्ति स्वतन्त्रतादेखि दैनिक उपभोग्य वस्तुको मूल्यसम्म त्यसको अनुभूति हुनुपर्ने उल्लेख गर्नुभयो ।
लोकतन्त्रले प्रक्रिया मात्र होइन, प्रत्यक्ष नतिजा दिनुपर्नेमा उहाँको जोड थियो ।
प्रकाशित मिति : बिहिबार, फाल्गुण ०७, २०८२ |
१४:००:३७
287
