मीनभवनमा जिप–मोटरसाइकल ठोक्किँदा एक जनाको मृत्यु
प्रकाशित मिति: बुधबार, आश्विन २९, २०८२ | १०:४९:२४
चितवन, २९ असोज । काठमाडौँको मीनभवनस्थित यातायात विभाग नजिकैको सडकखण्डमा जिप र मोटरसाइकल ठोक्किँदा एक जनाको मृत्यु भएको छ। मृत्यु हुनेमा गोरखा सिरानचोक–४ का २३ वर्षीय बालकृष्ण परियार रहेका छन्। उक्त जानकारी काठमाडौँ उपत्यका ट्राफिक प्रहरी कार्यालयका प्रवक्ता तथा प्रहरी उपरीक्षक नरेशराज सुवेदीले राससलाई दिएका छन्।
दुर्घटना गए राति तब भएको थियो जब नयाँबानेश्वरबाट आउँदै गरेको वाग्मती बिएबी ०३६५ नम्बरको जिप ‘राइट टर्न’ गर्दै गर्दा, नयाँबानेश्वरबाट तीनकुनेतर्फ गइरहेको बा८१प ४०१० नम्बरको मोटरसाइकलसँग ठोक्किएको थियो।
दुर्घटनामा गम्भीर घाइते परेका मोटरसाइकल चालक परियारलाई उपचारका लागि सिभिल अस्पताल लगिएको थियो। तर उपचारकै क्रममा उनको मृत्यु भएको प्रहरीको भनाइ छ।
प्रकाशित मिति : बुधबार, आश्विन २९, २०८२ |
१०:४९:२४
771
सम्बन्धित समाचार
समाबेसी ट्रेन्डिङ
