मोटरसाइकल दुर्घटनामा दुईको मृत्यु, दुई घाइतेको अवस्था गम्भीर
प्रकाशित मिति: बिहिबार, आश्विन ३०, २०८२ | ११:५४:४८
चितवन, ३० असोज । अर्घाखाँचीको छत्रदेव गाउँपालिका–१ सौरेखोलामा बुधबार साँझ भएको मोटरसाइकल दुर्घटनामा दुई जनाको मृत्यु भएको छ भने दुई जना गम्भीर घाइते भएका छन्।
जिल्ला प्रहरी कार्यालयका अनुसार दुई मोटरसाइकल एकापसमा ठोक्किँदा पाणिनी गाउँपालिका–५ का २१ वर्षीय तारा बेलबासे र गुल्मीको छत्रकोट गाउँपालिका–६ का ३५ वर्षीय सुमन सुनारको मृत्यु भएको हो। दुवै जना सोही मोटरसाइकलका चालक रहेको प्रहरीले जनाएको छ।
दुर्घटनामा मोटरसाइकलको पछाडि सवार अर्घाखाँचीकी १८ वर्षीया दीपा बेलबासे र गुल्मीका ४४ वर्षीय सुरज सुनार गम्भीर घाइते भएका छन्। घाइते दुबैलाई थप उपचारका लागि पाल्पा रेफर गरिएको प्रहरीले जानकारी दिएको छ। घटनाबारे थप अनुसन्धान भइरहेको जिल्ला प्रहरी कार्यालयले जनाएको छ।
प्रकाशित मिति : बिहिबार, आश्विन ३०, २०८२ |
११:५४:४८
617
सम्बन्धित समाचार
समाबेसी ट्रेन्डिङ
