खैरहनीमा ग्याँस बुलेटमा मोटरसाइकल ठक्कर खादाँ एकजनाको मृत्यु

चितवन , ३ कार्तिक ।
पूर्वीचितवनको खैरहनीमा मोटरसाइकल दुर्घटनामा एकजनाको मृत्यु भएको छ । पूर्व पश्चिम राजमार्ग अन्तर्गत खैरहनी नगरपालिका वडा नम्बर १ स्थित लदरी खोला पुलमा गएराति करिब १०ः३० बजे ग्याँस बुलेट र मोटरसाइकल ठक्कर खाएको प्रहरीले जनाएको छ । बिग्रेर रोकेको भारतिय नम्बर एच आर ३८ ए फ ६१२६ को ग्याँस बुलेटमा पश्चिमबाट पुर्वतर्फ जाँदै गरेको बागमती प्रदेश ०३ ००२ प ३२३० नम्बरको मोटरसाइकल ठक्कर खाँदा एकजनाको मृत्यु भएको हो ।

दुर्घटनामा परि खैरहनी नगरपालिका वडा नम्बर २ निवासी अन्दाजी बर्ष २८ को मनिष बोगटीको मृत्यु भएको जिल्ला प्रहरी कार्यालय चितवनले जानकारी दिएको छ । दुर्घटनामा गम्भिर घाइतेलाई उपचारको लागि भरतपुरस्थित पुरानो मेडिकल कलेज पठाउदाँ चिकित्सकले मृत घोषणाँ गरेका थिए । ग्याँस बुलेट र चालकलाई इलाका प्रहरी कार्यालय खैरहनीले नियन्त्रणमा लिएको छ ।